Markmið og árangur

Hér á eftir er fjallað um árangur og ávinning af ráðstöfun fjármuna, skipt eftir málefnasviðum og þeim málaflokkum sem eru á forræði umhverfis-, orku- og loftslagsráðherra. Tilgreindar eru aðgerðir sem skilgreindar voru til að stuðla að framgangi viðkomandi markmiða á árinu, ásamt stöðu þeirra í árslok 2022.

Verkefni umhverfis-, orku- og loftslagsráðuneytisins falla að mestu leyti undir málefnasvið 17 Umhverfismál og 15 Orkumál.

17 Umhverfismál. Málefnasviðið og verkefni þessa skiptast í eftirfarandi fimm málaflokka:

• 17.10 Náttúruvernd, skógrækt og landgræðsla
• 17.20 Rannsóknir og vöktun á náttúru Íslands
• 17.30 Meðferð úrgangs
• 17.40 Varnir gegn náttúruvá
• 17.50 Stjórnsýsla umhverfismála

Stofnanirnar Landgræðsla ríkisins og Skógræktin heyra undir matvælaráðuneyti, en málefnin flokkast enn undir málaflokk 17.10 Náttúruvernd, skógrækt og landgræðslu.

Málefnasvið 15 Orkumál ásamt Orkustofnun og orkusjóði, niðurgreiðslur á húshitun og dreifingu raforku o.fl. tengd málefni eru alfarið á ábyrgð umhverfis-, orku- og loftslagsráðherra.

Á málefnasviði 18 heyrir málaflokkur 18.20 Menningarstofnanir undir  umhverfis-, orku- og loftslagsráðherra.

Þá heyra Landmælingar, sem flokkast í málaflokk 06.10 undir ráðuneytið.