Framvinda verkefnisins

Unnið hefur verið að því að auka eftirfylgd og stuðning við einstaklinga sem hljóta refsidóma hér á landi, m.a. að þeim standi til boða fjölbreytt ráðgjöf og þjónusta, m.a. sálfræðiþjónusta, félagsráðgjöf og fíkniráðgjöf, strax frá uppkvaðningu dóms.

Einnig hefur verið unnið við uppbyggingu og stutt við þjónustuúrræði sem miða að því að aðstoða fólk sem glímir við alvarlegan vímuefnavanda að endurheimta getu sína til að komast aftur inn í samfélagið.

Félagasamtökin Bati hafa verið stofnuð og styrkt af félags- og barnamálaráðherra. Þau reka áfangaheimili og stuðningsúrræði fyrir einstaklinga sem hafa verið í réttarvörslu og þarfnast stuðnings við að verða virkir þátttakendur í samfélaginu á ný. Þeim er veittur margþættur stuðningur þar og geta dvalist þar í allt að tvö ár. Úrræðið opnaði í upphafi árs 2021 og er til að byrja með pláss þar fyrir átta karlmenn sem hafa lokið refsivist.

Unnið er þvert á ráðuneyti við að tryggja fullnægjandi forvarnir og þjónustu vegna fíknivanda. Unnið að áframhaldandi innleiðingu tillagna vegna fólks sem hefur hlotið refsidóma.

Ábyrgð

Félagsmálaráðuneytið

Samstarfsráðuneyti

Kafli

Jöfn tækifæri