| Lokið |
Framvinda verkefnisins
Samstarf við kennarastéttina aukið og aðra hagsmunaaðila vegna vinnu við mótun nýrrar menntastefnu, m.a. með fundarhöldum um allt land. Alþingi hefur samþykkt stefnuna og er nú unnið að aðgerðaáætlun á grundvelli hennar. Áfram unnið að vitundarvakningu um mikilvægi lesturs, með sérstökum hvatningarverkefnum, og aukin áherslu lögð á íslenskukunnáttu. Úttekt gerð á innleiðingu aðalnámskrár í grunnskólum og unnið úr niðurstöðum, þar sem endurskoðun greinasviða aðalnámskrár og hæfni- og matsviðmið er í forgangi. Jafnframt unnið að auknu framboði á námsgögnum sem tekur mið af hæfnimiðuðu námi og fræðsla um notkun námsgagna í kennslu. Vinna hafin við nýtt framtíðarfyrirkomulag og inntak samræmds námsmats er á lokametrunum, þar sem nýtt fyrirkomulag verður innleitt á næsta skólavetri. Matsviðmið fyrir 4. og 7. bekk í fjölda námsgreina hafa verið gefin út sem og samræmdur leiðarvísir um móðurmálskennslu á leik-, grunn- og framhaldsskólastigi fyrir nemendur með annað móðurmál en íslensku. Gæðaviðmið um frístundaheimili voru gefin út og þeim fylgt eftir með þemahefti um frístundastarf. Unnið að endurskoðun aðalnámskrár leik-, grunn- og framhaldsskóla.Tilraunaverkefni ríkis og sveitarfélaga um ráðstöfun fjármagns í grunnskólum á grundvelli hugmyndafræði um menntun fyrir alla er lokið og fyrir liggja tillögur til umbóta.Ábyrgð
Mennta- og menningarmálaráðuneytið
Kafli
Sterkt samfélag