Framvinda verkefnisins

Síðustu tvær ríkisstjórnir unnu að viðamikilli skýrslu um forsendur fyrir stofnun þjóðgarðs á miðhálendi Íslands. Þau tímamót urðu síðan að stofnun þjóðgarðsins var skrifuð inn í sáttmála núverandi ríkisstjórnar. Skipuð var þverpólitísk nefnd, sem fulltrúar allra flokka á Alþingi áttu sæti í ásamt fulltrúum Sambands íslenskra sveitarfélaga, umhverfis- og auðlindaráðuneytisins og forsætisráðuneytisins, sem vann að undirbúningi málsins. Nefndin kynnti vinnu sína jafnóðum í samráðsgátt stjórnvalda og fulltrúar héldu fjölda samráðsfunda um land allt.

Nefndin skilaði af sér skýrslu til ráðherra í desember 2019. Á grundvelli hennar var frumvarp um Hálendisþjóðgarð kynnt í samráðsgátt stjórnvalda. Umhverfis- og auðlindaráðherra mælti fyrir frumvarpi um stofnun Hálendisþjóðgarðs á 151. löggjafarþingi (haust). Samþykkt var nefndarálit umhverfis- og samgöngunefndar á 151. löggjafarþingi (vor) um að málinu verði vísað til ríkisstjórnarinnar og umhverfis- og auðlindaráðherra verði falið að leggja fram nýtt frumvarp um málið sem verði byggt á fyrri vinnu.

• Hálendisþjóðgarður
• Spurt og svarað um Hálendisþjóðgarð

Ábyrgð

Umhverfis- og auðlindaráðuneytið

Samstarfsráðuneyti

Kafli

Umhverfi og loftslag