| Lokið |
Framvinda verkefnisins
Lögð hefur verið áhersla á að fá sem flesta í að takast á við loftslagsverkefnið. Það hefur bæði verið gert með fræðslu og til að mynda með samráði í tengslum við aðgerðaáætlun í loftslagsmálum. Samstarfsvettvangi atvinnulífs og stjórnvalda um loftslagsmál og grænar lausnir (Grænvangi) er einnig ætlað að fá sem flesta geira samfélagsins til að draga úr losun gróðurhúsalofttegunda en vettvangurinn var stofnaður árið 2019. Loftslagsráð var enn fremur stofnað árið 2018 og fulltrúar þar koma héðan og þaðan úr samfélaginu. Með breytingum á lögum um loftslagsmál sem gerðar voru í júní 2019 voru allar stofnanir og fyrirtæki í meirihlutaeigu ríkisins og öll sveitarfélög enn fremur skylduð til að setja sér loftslagsstefnu og markmið um samdrátt í losun gróðurhúsalofttegunda. Umhverfisstofnun er þeim til ráðgjafar við að setja sér loftslagsmarkmið.
Áfram verður lögð rík áhersla á þátttöku sem flestra í samfélaginu við að draga úr losun gróðurhúsalofttegunda.
Ábyrgð
Umhverfis- og auðlindaráðuneytið
Kafli
Umhverfi og loftslag