Verkefni
Ríkisstjórnin mun setja af stað vinnu sérfræðinga um ákvæði stjórnarskrár um Alþingi, kosningar og kjördæmaskipan, dómstóla og eftir atvikum önnur ákvæði, s.s. mannréttindaákvæði. Efnt verður til samstarfs við fræðasamfélagið um umræðu og umfjöllun um stjórnarskrárbreytingar. Framhald vinnu við stjórnarskrárbreytingar verður metið í framhaldinu.
Ráðuneyti
ForsætisráðuneytiðKafli
Stjórnarskrá og kosningalög
Framvinda
Í byrjun árs 2023 fól forsætisráðherra fjórum sérfræðingum að taka saman greinargerðir um þá kafla stjórnarskrárinnar sem fjalla um Alþingi, dómstóla og mannréttindi. Er þetta í samræmi við það hvernig ákveðið var í stjórnarsáttmála ríkisstjórnarflokkanna að halda áfram þeirri heildstæðu yfirferð yfir stjórnarskrána sem hófst á síðasta kjörtímabili. Þá voru meðal annars tekin fyrir ákvæði um auðlindir og umhverfismál og kafli um handhafa framkvæmdarvalds. Greinargerðum sérfræðinga var skilað á tilsettum tíma í september 2023. Forsætisráðuneytið stóð fyrir málþingum um greinargerðirnar á tímabilinu nóvember-janúar 2023-2024. Forsætisráðherra hefur fundað með formönnum flokka á Alþingi um framhald málsins og stefnt er að því að vinna heildstætt frumvarp á haustþingi.Staða verkefnis
Komið vel á veg
