Um árabil hefur hefur Ísland lagt áherslu á þróunarsamvinnu við Úganda. Þróunarsamvinnustofnun Íslands opnaði svæðisskrifstofu árið 2000 í Kampala, höfuðborg Úganda. Árið 2004 fékk skrifstofan diplómatísk réttindi og breyttist þar með í sendiráð. Með forsetaúrskurði nr. 8/2018 um sendiráð, fastanefndir hjá alþjóðastofnunum og ræðisskrifstofur, var tekin ákvörðun um að útvíkka starfsemina, efla diplómatísk samskipti við Úganda og Austur-Afríku og skipa sendiherra til starfa. 

• Þróunarsamvinna Íslands og Úganda