Þjóðhátíðarskemmtun 17. júní í London
Sunnudaginn 17. júní fara hátíðarhöld fram í St. Luke's Church/St. Luke's Crypt í Chelsea.
Dagskráin hefst á messu kl. 15:00 þar sem sr. Sigurður Arnarson þjónar fyrir altari. Sendiherra Íslands, Stefán Haukur Jóhannesson, flytur ávarp og fjallkona Íslands fer með ljóð. Íslenski kórinn syngur undir stjórn Helga Rafns Ingvarssonar.
Eftir messunar verður haldin skemmtidagskrá í garði kirkjunnar á vegum Félags Íslendinga í London. Íslenskar pylsur og sælgæti verða boðin til sölu og hoppukastali og fleira verður til skemmtunar fyrir börnin.
Hvar:
St. Luke's Church / St. Luke's Crypt
Sydney Street
London SW3 6NH
Hvenær:
Messa hefst kl. 15:00