Sendiráðið/fastanefndin á nýjum stað

Sendiráðið í Brussel og fastanefnd Íslands gagnvart ESB, er nú flutt í nýtt húsnæði á Rue Archimède 17 og deilir þar húsnæði meðal annars með sendiráði og fastanefnd Noregs. Skrifstofan er rétt handan við hornið frá gamla staðnum á Schuman-torgi. Starfsemin heldur óbreytt áfram og nú þegar hafa til dæmis nokkrir Íslendingar komið á nýja staðinn til að sækja um vegabréf. Húsnæðið er minna en það fyrra og góðrar skipulagningar er því þörf svo allt komist haganlega fyrir. Frágangur eftir flutningana er þó vel á veg kominn.