27. ágúst 2019

Fella niður tímatakmarkanir á leigu á flugvélum með áhöfn

Í dag var undirritaður í Brussel milliríkjasamningur Íslands, Noregs, Evrópusambandsins og Bandaríkjanna sem ber enska heitið ,,Agreement with respect to Time Limitations on Arrangements for the Provision of Aircraft with Crew“. Samningurinn kveður á um að aðilar séu sammála um að fella niður tímatakmarkanir sem í gildi hafa verið hvað varðar leigu á flugvélum með áhöfn. Gunnar Pálsson sendiherra undirritaði samninginn fyrir Íslands hönd, en undirritunin fór fram við hátíðlega athöfn í Justus Lipsius byggingunni við Schuman torg. Á myndinni eru talið frá vinstri Erik Nestås Mathisen frá sendiráði Noregs, Gunnar Pálsson, Terri L. Robl og David E. Short, bæði frá bandarískum samgönguyfirvöldum, Marja Rislakki sendiherra og fastafulltrúi Finnlands gagnvart ESB, en Finnar gegna nú formennsku í ráði ESB og loks Carlos Bermejo Acosta frá stjórnarsviði samgöngu og flutningamála ESB.