Afhenti trúnaðarbréf í San Marínó
Að afhendingu lokinni átti sendiherrann stutt samtal við þjóðhöfðingjana tvo, þau Nicola Selva og Michele Muratori, ásamt utanríkisráðherra landsins, Nicola Renzi. Viðmælendur voru sammála um að nýta sameiginleg tækifæri, m.a. á sviði ferðaþjónustu, en einnig á vettvangi Evrópusamstarfs.
Þeir Gunnar og Renzi funduðu daginn áður í utanríkisráðuneyti San Marínó þar sem samskipti ríkjanna og sameiginlegar áherslur, ferðaþjónusta og Evrópusamvinna voru efst á baugi. Auk þess átti Gunnar fundi með embættismönnum landsins og viðskiptaráði.
San Marínó er elsta lýðveldi veraldar, stofnað árið 301. Landsvæði þess er 61 ferkílómetri að flatarmáli, í Appenínafjöllum. Íbúar eru um 33 þúsund og opinbert tungumál ítalska, en San Marínó hefur náin stjórnmálaleg, félagsleg og efnahagsleg tengsl við Ítalíu.
Viðskipti Íslands og San Marínó hafa hingað til verið hófleg, en Ísland hefur þó selt fiskafurðir þangað. Landið hefur verið framarlega á sviði fjármálaþjónustu og hefur verið lögð rík áhersla á að laða að erlenda fjárfestingu.
