Afhending trúnaðarbréfs í Mónakó
Unnur Orradóttir Ramette sendiherra með aðsetur í París, afhenti Albert II. fursta af Mónakó trúnaðarbréf sitt miðvikudaginn 17. maí. Við það tækifæri ræddu þau sameiginleg áherslumál ríkjanna eins og málefni hafsins, umhverfisins og loftslagsvána en einnig innrásina í Úkraínu og sameiginleg gildi og þá einkum með vísan í niðurstöður fundar Evrópuráðsins í Reykjavík sama dag, sem var sóttur af Pierre Dartout forsætisráðherra Mónakó. Sendiherra átti einnig fundi með Guillaume Rose, formanni verslunarráðs Mónakó (Monaco Economic Board), Michael Payne kjörræðismanni Íslands í Mónakó og Marie-Catherine Caruso-Ravera, skrifstofustjóra alþjóðamála í utanríkisráðuneytinu.
