17. maí 2024

Kvikmyndin Ljósbrot heimsfrumsýnd í Cannes

Kvikmyndin Ljósbrot eftir Rúnar Rúnarsson var opnunarmynd í flokknum Un certain regard á alþjóðlegu kvikmyndahátíðinni í Cannes þetta árið. Una Jóhannsdóttir, staðgengill sendiherra, var viðstödd heimsfrumsýninguna í Cannes á miðvikudaginn. Kvikmyndin hlaut einstakar viðtökur og mikil fagnaðarlæti brutust út í lok sýningarinnar. Sendiráðið í samstarfi við framleiðendur myndarinnar og Kvikmyndamiðstöð héldu móttöku eftir frumsýninguna til að fagna þessum viðburði og Eliza Reid, forsetafrú, lét sig ekki vanta.

Sendiráðið óskar Rúnari Rúnarssyni, leikurum og aðstandendum kvikmyndarinnar hjartanlega til hamingju með þennan frábæra árangur!