Afmæli lýðveldisins fagnað Í Mumbai.
Haldið var upp á 80 ára afmæli lýðveldisins Íslands í Mumbai 3. júlí á vegum aðalræðismanns Íslands í borginni, Gul Kripalani, og sendiráðsins í Delhí. Guðni Bragason sendiherra flutti hátíðarræðu í móttöku, sem sótt var af fólki úr viðskiptum, menningu og stjórnmálum í borginni. Flutti hann kveðjur forseta Íslands. Ræddi hann einnig mikilvæga þætti í samskiptum ríkjanna og nefndi sérstaklega fríverslunarsamning EFTA-ríkjanna og Indlands, sem undirritaður hefði verið fyrr á árinu.
