Alþjóðlegt samstarf
Ísland á fulltrúa í ferðamálanefnd efnahags- og framfarastofnunarinnar OECD (OECD Tourism Committee) en hlutverk hennar er að fylgjast með og greina stefnur, kerfisbreytingar og áskoranir í ferðamálum.
Á tveggja ára fresti birtir OECD tölur og upplýsingar um ferðamál í ritinu Tourism Trends and Policies. Þá koma sérfræðingar á vegum OECD að úttektum og tillögugerð um þætti sem varða ferðamál hér á landi.
Ísland tekur einnig þátt í samnorrænu samstarfi á sviði ferðamála á vettvangi ráðherranefndar um atvinnumál (MR-NER) og embættismannanefndar um atvinnumál (EK-N).
Ísland á jafnframt aðild að Norrænu Atlantsnefndinni NORA og á í vestnorrænu ferðamálasamstarfi undir merkjum NATA.
Ferðaþjónusta
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.