Vegvísir í ferðaþjónustu

Stefnu í ferðaþjónustu til 2020 má finna í Vegvísi í ferðaþjónustu.  Vegvísirinn kom út í október 2015 en að vinnunni komu um eitt þúsund manns vítt og breitt um landið. Markmið Vegvísisins er að leggja traustan grunn fyrir farsæla og sjálfbæra þróun ferðaþjónustunnar til framtíðar, í sátt við land og þjóð. Í Vegvísinum eru skilgreindir sjö áhersluþættir:

• Samhæfing
• Jákvæð upplifun ferðamanna
• Áreiðanleg gögn
• Náttúruvernd
• Hæfni og gæði
• Aukin arðsemi
• Dreifing ferðamanna

Stjórnstöð ferðamálavar samráðsvettvangur ríkisstjórnarinnar, Sambands íslenskra sveitarfélaga og Samtaka ferðaþjónustunnar sem sett var á laggirnar í kjölfar útgáfu Vegvísis í ferðaþjónustu 2015. Hlutverk hennar var að sjá til þess að ráðist verði í þau verkefni sem skilgreind eru í Vegvísinum og samhæfa aðgerðir þvert á ráðuneyti, sveitarfélög og greinina sjálfa. Lokafundur Stjórnstöðvar ferðamála var haldinn 16.3.2021.