Fléttan - styrkir til innleiðingar nýsköpunar í heilbrigðisþjónustu

Umsóknarfrestur í Fléttuna 2024 rann út 10. maí 2024

Fléttan eru styrkir sem veittir eru til nýsköpunarfyrirtækja sem skapað hafa áhugaverðar lausnir til að bæta þjónustu við sjúklinga, stytta biðlista og auka skilvirkni kerfisins. 

Til ráðstöfunar árið 2024 voru 100.000.000 kr. 

Styrkjum er úthlutað til verkefna sem styðja við innleiðingu nýsköpunar í heilbrigðistækni, -vörum og -þjónustu, því er strykjum ekki úthlutað til verkefna sem eru á hugmynda- eða byrjunarstigi. Styrkirnir eru samkeppnisstyrkir og er þeim úthlutað til verkefna til eins árs í senn. 

Styrkveitingin er háð því skilyrði að nýsköpunarfyrirtækin eigi í nánu samstarfi við stofnanir eða fyrirtæki í heilbrigðisþjónustu sem skuldbinda sig til að innleiða þá nýsköpun sem styrkur er veittur til. Lögð er sérstök áhersla á stuðning við samstarf hins opinbera og einkaaðila um land allt. 

Sérstakt fagráð leggur mat á umsóknir og verður m.a. horft til þátta á borð við:

• Mikilvægi verkefnis fyrir innleiðingu nýrra vara, nýrrar þjónustu eða nýrra hugbúnaðarlausna sem geta bætt þjónustu og/eða aukið hagkvæmni í rekstri heilbrigðiskerfis. 
• Mikilvægi verkefnis fyrir aukna verðmætasköpun og/eða bætta þjónustu.
• Skalanleiki verkefnis, þ.e.a.s. hvernig umsækjandi sér fram á þróun verkefnisins, stækkun og nýtingu fyrir fleiri innan heilbrigðiskerfisins með það að markmiði að innleiðingin bæti þjónustu við sjúklinga, stytti biðlista og auki skilvirkni kerfisins.

Umsækjendur eru hvattir til að kynna sér reglur um úthlutun styrksins.

Opnað var fyrir umsóknir til 10. maí 2024. 

Fagráð Fléttunnar er þannig skipað:

• Ásta Þórarinsdóttir, formaður
• Gunnar Örn Jóhannsson
• Kristin Ninja Guðmundsdóttir
• Einar Gunnar Thoroddsen

Umsækjendur eru vinsamlegast beðnir um að hafa ekki beint samband við fulltrúa í fagráði Fléttunnar. Fyrirspurnum og ábendingum skal beint á netfangið [email protected].