Fasteigna- og skipasala
Markmið laga um sölu fasteigna og skipa er að tryggja að viðskipti með fasteignir og skip, sem gerð eru með aðstoð fasteignasala, geti farið fram með greiðum og öruggum hætti fyrir kaupanda og seljanda og réttarstaða aðila sé glögg. Jafnframt er markmið laganna að hlutverk fasteignasala og ábyrgð þeirra sé skýr og þeir séu engum háðir í störfum sínum.
Samkvæmt lögum um sölu fasteigna og skipa, nr. 70/2015, er þeim einum heimilt að hafa milligöngu fyrir aðra um kaup, sölu eða skipti á fasteignum eða skráningarskyldum skipum sem hafa til þess löggildingu sýslumanns. Til að geta fengið löggildingu sem fasteignasali þarf að uppfylla ákveðin skilyrði um búsetu, lögræði o.fl. og standast próf fyrir fasteignasala skv. 3. gr. laganna.
Nám til löggildingar fasteigna- og skipasala fer fram á vegum Endurmenntunar Háskóla Íslands.
Prófnefnd fasteignasala starfar skv. eldri lögum um sölu fasteigna, fyrirtækja og skipa, nr. 99/2004, til 1. janúar 2019.
Sjá einnig:
Lög og reglugerðir
Önnur fasteignakaup
Innviðaráðuneytið fer að öðru leyti með verkefni sem tengjast fasteignakaupum, svo sem heimild erlendra ríkisborgara til þess að kaupa fasteign hér á landi, skráningu fasteigna og þinglýsingar. Þá eru eftirtalin lög sem varða fasteignaviðskipti á verkefnasviði innanríkisráðuneytisins:
- Lög nr. 11/1973 um framkvæmd eignarnáms.
- Lög um fasteignakaup nr. 40/2002
- Lög nr. 19/1966 um eignarrétt og afnotarétt fasteigna.
- Reglugerð nr. 702/2002 um rétt útlendinga, sem falla undir samninginn um Evrópska efnahagssvæðið eða stofnsamning Fríverslunarsamtaka Evrópu, til að öðlast eignarrétt eða afnotarétt yfir fasteignum.
Viðskipti
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.