Þriðji fundur fjármálastöðugleikaráðs 2021

Fjármálastöðugleikaráð hélt sinn þriðja fund á árinu 2021 fimmtudaginn 16. desember. Á fundinum voru rædd staða og horfur í fjármálakerfinu. Þar á meðal var umfjöllun um eignaverð, fasteignamarkað og aukna veðsetningu og greiðslubyrði hjá fyrstu kaupendum. Arðsemi bankanna hefur aukist og eiginfjár- og lausafjárstaða þeirra er sterk. Vanskil fara minnkandi og dregur úr óvissu um eignagæði. Fjallað var um endurskipulagningu fjármálainnviða og nýja umgjörð Reiknistofu bankanna. Jafnframt var rætt um opinbera stefnu um fjármálastöðugleika og undirbúningur lagður að mati fjármálastöðugleikaráðs á árangri af þjóðhagsvarúðartækjum.