Greiðslukerfi og greiðsluþjónusta

Aðeins lítill hluti greiðslumiðlunar á Íslandi fer fram í reiðufé þar sem notkun rafrænna greiðslumiðla er mjög útbreidd. Rafræn greiðslumiðlun er byggð á notkun greiðslu- og uppgjörskerfa sem gjarnan tengjast innbyrðis.

Greiðslukerfi eru mikilvægur fjármálainnviður og öryggi þeirra mikilvægt til að tryggja fjármálastöðuleika. Sérstök lög eru í gildi um öryggi fyrirmæla í greiðslukerfum og verðbréfauppgjörskerfum, nr. 90/1999.

 Nánari umfjöllun um innlenda fjármálainnviði og þau greiðslu- og uppgjörkerfi sem teljast til kerfislega mikilvægra fjármálainnviða á Íslandi má finna á vefsvæði Seðlabanka Íslands.