Ættleiðingarstyrkir

Lög um ættleiðingarstyrki taka til fjárstyrkja úr ríkissjóði til kjörforeldra sem ættleitt hafa erlent barn eða börn í samræmi við lög um ættleiðingar. Ættleiðingarstyrkur er eingreiðsla sem er greidd út samkvæmt umsókn kjörforeldra þegar erlend ættleiðing hefur verið staðfest hér á landi eða ættleiðingarleyfi hefur verið gefið hér út í samræmi við ákvæði laga um ættleiðingar. 

Vinnumálastofnun annast framkvæmd laga um ættleiðingarstyrki. 

Ákvörðun um synjun ættleiðingarstyrks og leiðréttingu á greiðslum skv. 8. gr. laga um ættleiðingarstyrki er heimilt að kæra til velferðarráðuneytis.

Á vef Vinnumálastofnunar er unnt að nálgast nánari upplýsingar um ættleiðingarstyrki, meðal annars um hvernig sótt er um styrk sem og um fjárhæð styrks hverju sinni, en fjárhæðina skal endurskoða á tveggja ára fresti í tengslum við afgreiðslu fjárlaga á Alþingi.