Nýjar vinnureglur um starfsemi Fasteignasjóðs Jöfnunarsjóðs
Golli Nýjar vinnureglur um úthlutanir á vegum Fasteignasjóðs Jöfnunarsjóðs sveitarfélaga tóku gildi 1. júlí sl. á grundvelli reglugerðar um starfsemi fasteignasjóðsins (nr. 280/2021). Í reglugerðinni var fasteignasjóðnum veitt heimild til að úthluta 363 milljónum kr. á árunum 2021 og 2022 í sérstök framlög sem nema 50% af heildarkostnaði tiltekinna verkefna sem snúa að aðgengi fatlaðs fólks.
Í vinnureglunum er m.a. kveðið á um að framlög verði veitt innan þjónustusvæða í málefnum fatlaðra enn ekki einstaka sveitarfélögum. Stefnt er að því að sem flest þjónustusvæði njóti framlaga á grundvelli útreikninga sem koma fram í vinnureglunum.
- Vinnureglur Fasteignasjóðs Jöfnunarsjóðs sveitarfélaga
- Reglugerð um starfsemi Fasteignasjóðs Jöfnunarsjóðs sveitarfélaga (nr. 280/2021)