Sjúklingatrygging
Rétt til bóta samkvæmt lögum um sjúklingatryggingu eiga þeir sjúklingar sem verða fyrir líkamlegu eða geðrænu tjóni hér á landi í tengslum við rannsókn eða sjúkdómsmeðferð á sjúkrahúsi, heilsugæslustöð eða annarri heilbrigðisstofnun, í sjúkraflutningum eða hjá heilbrigðisstarfsmanni sem starfar sjálfstætt og hlotið hefur löggildingu landlæknis til starfans. Tryggingin nær einnig til sjúklinga sem brýn nauðsyn er að vista á sjúkrahúsi erlendis.
Sjúkratryggingar Íslands annast sjúklingatryggingu vegna heilsugæslustöðva, sjúkrahúsa og annarra heilbrigðisstofnana sem ríkið á og rekur. Sama gildir um sjúkraflutninga á vegum ríkisins. Ákvarðanir Sjúkratrygginga Íslands eru kæranlegar til úrskurðarnefndar velferðarmála.
Sjálfstætt starfandi heilbrigðisstarfsmenn skulu tryggðir vátryggingu (sjúklingatryggingu) hjá vátryggingafélagi sem hefur starfsleyfi hér á landi.
Sjá einnig:
Lög og reglugerðir
Sjúkratryggingar Íslands
Tryggingastofnun ríkisins
Úrskurðarnefndir
Úrskurðarnefnd velferðarmála fjallar um ágreining sem rís um grundvöll, skilyrði og upphæð bóta eða greiðslna.
Almannatryggingar
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.