Landsráð um mönnun og menntun í heilbrigðisþjónustu

Um landsráðið: Heilbrigðisráðherra skipaði landsráð um mönnun og menntun í heilbrigðisþjónustu í maí 2021. Hlutverk landsráðs er að vera ráðgefandi fyrir undirbúning ákvarðana heilbrigðisráðherra á sviði mönnunar og menntunar í heilbrigðisþjónustu, auk þess að vera samráðsvettvangur á þessu sviði með virku samráði, t.d. við sjúklinga, sjúklingasamtök, fagfélög og aðra hagsmunaaðila og menntastofnanir sem koma að menntun heilbrigðisstarfsfólks. Ráðinu er ætlað að skila ráðherra ár hvert tillögum að aðgerðaráætlun um aðgerðir í þágu mönnunar og menntunar í heilbrigðisþjónustu. Skipað er í landsráð til fjögurra ára í senn. Gert er ráð fyrir að það fundi reglulega, að lágmarki 20 sinnum á ári.