Jafnréttisþing 2015

Félags- og jafnréttismálaráðherra og Jafnréttisráð boða til jafnréttisþings í samræmi við lög nr. 10/2008, um jafnan rétt og jafna stöðu kvenna og karla.

Á jafnréttisþingi leggur félags- og jafnréttismálaráðherra fram skýrslu um stöðu og þróun jafnréttismála á umliðnum tveimur árum. Hlutverk þingsins er að efna til umræðu milli stjórnvalda og þjóðar um málefni kynjajafnréttis og gefa áhugasömum kost á að hafa áhrif á stefnumótun stjórnvalda í jafnréttismálum. Næsta jafnréttisþing verður haldið í október 2017 og verða upplýsingar birtar þegar nær dregur.

Á síðasta jafnréttisþingi, 25. nóvember 2015. Lögð var áhersla á stöðu kvenna og kynjaðar birtingarmyndir á opinberum vettvangi. Markmiðið var að varpa ljósi á ólíka stöðu kvenna og karla í fjölmiðlum og kvikmyndum annars vegar og hins vegar að fjalla um umfang og eðli kynbundinnar hatursorðræðu. Jafnréttisþingið var haldið á alþjóðlegum baráttudegi gegn kynbundnu ofbeldi.

Aðalfyrirlesarar þingsins voru Maria Edström, lektor við Fjölmiðladeild Háskólans í Gautaborg og verkefnisstjóri Nordicom–verkefnis Norrænu ráðherranefndarinnar um aukið jafnrétti í fjölmiðlum, og Anna Serner, forstöðumaður sænsku kvikmyndamiðstöðvarinnar. Kynntar voru niðurstöður nýrra rannsókna um hlut kvenna og karla í íslenskum fjölmiðlum.

• Skýrsla félags- og húsnæðismálaráðherra um stöðu og þróun jafnréttismála 2013 - 2015

- Fjölmiðlaviðurkenning Jafnréttisráðs var veitt að lokinni dagskrá þingsins.

• Auglýsing um dagskrá til útprentunar

Hér fylgir dagskrá síðasta jafnréttisþings með tenglum á efni ólíkra fyrirlestra og niðurstöðum málstofa.

DAGSKRÁ

Málstofur

Málstofa 1 Kyn og fjölmiðlar

• Sigrún Stefánsdóttir, forseti hug og félagsvísindasviðs Háskólans á Akureyri og doktor í fjölmiðlafræði. Svona eru konur.
• Valgerður Anna Jóhannsdóttir, aðjúnkt í blaða- og fréttamennsku við Stjórnmálafræðideild Háskóla Íslands. Ísland í alþjóðlegri fjölmiðlavöktun.
• Þórdís Lóa Þórhallsdóttir, formaður Félags kvenna í atvinnulífinu. Þátttakendur eða þiggjendur. Endurspegla fjölmiðlar samfélagið? Fjölmiðlaverkefni FKA 2013 – 2017.

Málstofustjóri: Elfa Ýr Gylfadóttir, framkvæmdastjóri fjölmiðlanefndar. 

Málstofa 2 Kyn og kvikmyndir

• Margrét Örnólfsdóttir, handritshöfundur og formaður Félags leikskálda og handritshöfunda. Erum við kynóð?
• Hilmar Oddsson, kvikmyndaframleiðandi og rektor Kvikmyndaskóla Íslands. Hvernig nýtum við skóla sem jafnréttistæki? – Kvikmyndanám og konur.
• Skúli Friðrik Malmqvist, kvikmyndaframleiðandi.

Málstofustjóri: María Reyndal, leikstjóri og handritshöfundur.

Málstofa 3 Kyn og hatursorðræða

• Margrét Steinarsdóttir, framkvæmdastjóri Mannréttindaskrifstofu Íslands. Hvað má gera til að vinna gegn hatursorðræðu? – Ábendingar til framtíðar.
• María Rún Bjarnadóttir, lögfræðingur og doktorsnemi við Háskólann í Sussex. Hatursorðræða: álitaefni um ábyrgð.
• Vilhjálmur Reyr Þórhallsson, yfirlögfræðingur lögfræðisviðs Embættis lögreglustjórans á Suðurnesjum. Hatursorðræða frá sjónarhóli lögreglu.

Málstofustjóri: Þórður Kristinsson, mannfræðingur.