Danskt-íslenskt samstarfsverkefni um stuðning við dönskukennslu á Íslandi

Árið 1996 var komið á samstarfi milli menntamálaráðuneyta Íslands og Danmerkur um sérstakan stuðning við dönskukennslu og eru samningar þar að lútandi gerðir á fjögurra ára fresti.

Markmið samstarfsverkefnisins eru að

styðja við dönskukennslu í íslenskum skólum með sérstöku tilliti til munnlegrar færni,
miðla danskri menningu í íslenskum skólum,
auka áhuga á dönsku og vitund um mikilvægi málskilnings fyrir Íslendinga.

Af hálfu Dana er um að ræða árlega rammafjárveitingu í fjárlögum sem nemur 3 milljónum danskra króna á árunum 2019 til 2024 og af hálfu Íslendinga er um að ræða árlega rammafjárveitingu sem nemur 6,0 milljónum íslenskra króna.

Í samstarfsnefndinni eiga sæti tveir fulltrúar Íslendinga og þrír fulltrúar Dana.

Fyrirspurnir má senda á nefangið [email protected].