Opinber fjármál
Ríki og sveitarfélög mynda saman hið opinbera. Opinber fjármál snúast um rekstur sameiginlegra sjóða, hvernig fjármuna er aflað og í hvað þeim er varið.
Stefnumörkun í opinberum fjármálum grundvallast á fimm grunngildum: Sjálfbærni, varfærni, stöðugleika, festu og gagnsæi. Þessi grunngildi eru leiðarljós allra stefnumótunar og ákvarðana Alþingis og stjórnvalda í opinberum fjármálum.
Fjárlagaferlið
Fjárlagaferlið markar ramma um opinber fjármál, frá fjármálastefnu til samþykktra fjárlaga. Með lögum um opinber fjármál er lögð áhersla á langtímahugsun, stöðugleika, aga við framkvæmd fjárlaga og bætt reikningsskil.
Grunnstoðir laganna eru fjórar:
- Langtímaáætlun- til áratuga
- Fjármálastefna - til 5 ára
- Fjármálaáætlun - til 5 ára (endurskoðuð árlega)
- Fjárlög - fyrir komandi ár
Langtímaáætlun birt 2025
Í mars birti fjármála- og efnahagsráðherra langtímaáætlun í opinberum fjármálum.
Grunngildi opinberra fjármála
Sjálfbærni, varfærni, stöðugleiki, festa og gagnsæi eru þau fimm grunngildi sem stefnumörkun byggir á.
Fjármálaáætlun 2025-2029
Fjármálaáætlun byggist á fjármálastefnu, útfærir markmið hennar og hvernig þeim skuli náð frá ári til árs. Áætlunin er til fimm ára, endurskoðuð árlega og lögð fyrir Alþingi fyrir lok mars.
Fjármálastefna 2022-2026
Fjármálastefna er áætlun ríkisstjórnar um stöðu og þróun opinberra fjármála og áhrif þeirra á aðra hluta hagkerfisins. Sett fram í upphafi kjörtímabils og er til fimm ára.
Fjárlög fyrir árið 2025
Á haustþingi leggur fjármála- og efnahagsráðherra fram fjárlagafrumvarp. Þar er óskað eftir heimild Alþingis fyrir útgjöldum 35 málefnasviða, yfir 100 málaflokka og skuldbindinga ríkissjóðs.
Langtímaáætlun
Fjármála- og efnahagsráðherra setur fram langtímahorfur í efnahagsmálum og opinberum fjármálum til 30 ára. Áætlunina skal uppfæra ekki sjaldnar en á þriggja ára fresti.
Ársskýrslur ráðherra 2023
Ríkisreikningur er uppgjör á tekjum og gjöldum ríkisins hvers árs. Í ársskýrslum ráðherra er gerð grein fyrir útgjöldum málefnasviða og málaflokka sem ráðherra ber ábyrgð á.
Vegvísir fjármálarita
Ríkisreikningur er uppgjör á tekjum og gjöldum ríkisins hvers árs. Í ársskýrslum ráðherra er gerð grein fyrir útgjöldum málefnasviða og málaflokka sem ráðherra ber ábyrgð á.
Opinber fjármál
Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.