Tengiliður    Baldur Þórir Guðmundsson, sérfræðingur í menningar- og viðskiptaráðuneytinu
                     [email protected]

Fréttir

27.01.22 Mennta- og menningarmálaráðuneytið gerði samning við fjögur landshlutasamtök sveitarfélaga um gerð fýsileikakönnunar á samstarfi og sameiningu safna og hafa þau öll skilað skýrslum. Um var að ræða Vestfirði, Norðurland vestra, Norðurland eystra og Austurland.

18.12.20 Mennta- og menningarmálaráðuneytið hefur gert samning við þrjú landshlutasamtök sveitarfélaga um fýsileikakönnun á samstarfi og sameiningu safna. Norðurland eystra hefur lokið verkinu og Austurland og Norðurland vestra eru að ljúka við sína vinnu.

Verkefnið

Verkefnismarkmið: Að efla safnastarf í landshlutum. 

Landshlutasamtökum sveitarfélaga verði falið að gera fýsileikakönnun um aukið samstarf eða sameiningu safna á sínu svæði í samstarfi og samráði við höfuðsafn og viðurkennt safn með vísan til 13. gr. safnalaga, nr. 141/2011, auk safnaráðs. Árangur af verkefninu verði mældur í fjölda safna sem hefja samstarf eða sameinast. 

• Ábyrgð: Menningar- og viðskiptaráðuneyti. 
• Framkvæmdaraðili: Landshlutasamtök sveitarfélaga. 
• Dæmi um samstarfsaðila: Safnaráð, Þjóðminjasafn Íslands, Listasafn Íslands og Náttúruminjasafn. 
• Tímabil: 2018–2022. 
• Tillaga að fjármögnun: 22,5 millj. kr. úr byggðaáætlun.