Fréttir af aðgerðinni

Janúar 2024  Í undirbúningi er uppbygging Græns iðngarðs á Bakka utan við Húsavík í anda nýsköpunar, loftslagsmála og orkuskipta. Grænn iðngarður er samstarfsnet fyrirtækja á ákveðnu atvinnusvæði þar sem skipst er á orku og hráefnum, þar sem úrgangur og straumar eins fyrirtækis getur nýst sem auðlind annars. Innviðir græns iðngarðs eru skipulagðir með samvinnu í huga er varðar þjónustu og viðskipti fyrirtækjanna innan garðsins. Verkefnisstjóri hóf störf í byrjun árs 2023. Jafnframt er unnið að skilgreiningu á grænum iðngörðum í samstarfi við Íslandsstofu og Græna dregilinn. 

Tengiliður    

Kjartan Ingvarsson, umhverfis-, orku- og loftslagsráðuneytinu - [email protected]

Aðgerðin

Markmið: Að nýta betur tækifæri til uppbyggingar grænnar atvinnustarfsemi sem byggist á svæðisbundnum styrkleikum.

Stutt lýsing: Greint verði hvernig hvetja megi til uppbyggingar grænna iðngarða sem byggjast á hringrásarhugsun, annarrar grænnar atvinnustarfsemi og fjárfestingar í nýsköpun almennt. Greint verði hvaða lágmarksundirbúningsvinnu og innviðauppbyggingu þurfi til svo að ferlið við uppbyggingu slíkrar grænnar atvinnustarfsemi verði sem skilvirkast og hvatt verði til fjárfestingar. Jafnframt verði skoð¬að hvort skýra þurfi regluverk eða eftir atvikum einfalda það.

• Ábyrgð: Umhverfis-, orku  og loftslagsráðuneytið. 
• Framkvæmdaraðili: Landshlutasamtök sveitarfélaga og sveitarfélög. 
• Dæmi um samstarfsaðila: Háskóla-, iðnaðar  og nýsköpunarráðuneyti, Landsvirkjun, Nýsköpunarsjóður, Samorka, orkufyrirtæki og háskólar.
• Tímabil: 2022–2026.
• Tenging við aðrar stefnur/áætlanir: Í átt að hringrásarhagkerfi, Orkustefna fyrir Ísland, aðgerðaáætlun í loftslagsmálum.
• Tenging við heimsmarkmið Sameinuðu þjóðanna: Styður við markmið 13 og fleiri.
• Tillaga að fjármögnun: 1 millj. kr. af byggðaáætlun.