Alþjóðasamningar, þjóðréttarmál

Utanríkisráðuneytið fer með mál er varða samninga við önnur ríki og gerð þeirra, ásamt framkvæmd tiltekinna samninga, sbr. m.a. lög nr. 67/2023 um afvopnun, takmörkun vígbúnaðar og útflutningseftirlit, lög nr. 57/2000 um skipti á upplýsingum um tæknilegar reglur um vörur og fjarþjónustu og lög nr. 68/2023 um framkvæmd alþjóðlegra þvingunaraðgerða og frystingu fjármuna. Þeir eru birtir í C-deild Stjórnartíðinda.“

Átaksverkefni við birtingu samninga frá 2007-2018

Sérstakt átaksverkefni hefur verið við frágang og birtingu samninga sem fullgiltir hafa verið síðustu ár, og eru samningar birtir jafnóðum eftir fullgildingu frá árinu 2020. Unnið verður áfram að átaksverkefni við frágang og birtingu samninga frá árunum 2007-2018.  Hér fyrir neðan er yfirlit þeirra samninga sem birtir hafa verið, eða eru í vinnslu til birtingar vegna þessa átaksverkefnis:

• Átaksverkefni – yfirlit samninga áranna 2007-2018 og staða birtingar

Efst á baugi

Í skýrslu utanríkisráðherra sem lögð er fyrir Alþingi á hverju vori, er að finna yfirlit yfir helstu samninga á alþjóðavettvangi sem fullgiltir hafa verið á síðustu tólf mánuðum.

Alþjóðasamningar sem hafa verið undirritaðir, en ekki fullgiltir eða staðfestir, geta í sumum tilvikum innihaldið ákvæði um beitingu til bráðabirgða og er þeim þá beitt samkvæmt efni sínu.

Þjóðréttarsamningar hafa fyrst og fremst gildi og skuldbinda ríkin sem eru aðilar að þeim. Alþjóðlegur samningur verður almennt ekki bindandi að landsrétti nema með innleiðingu þeirra skuldbindinga sem í honum felast í íslenska löggjöf, eða með lögfestingu hans í heild eða að hluta.