Fríverslunarsamningar Íslands

1. EES-samningurinn

Samningur milli aðildarríkja ESB og EFTA-ríkjanna Íslands, Noregs og Liechtenstein. Samningurinn tók gildi 1. janúar 1994. Í samningnum er kveðið á um tollfrelsi fyrir allar iðnaðarvörur sem upprunnar eru í löndum samningsaðila. Jafnframt er í bókun 3 við samninginn kveðið á um tollfríðindi fyrir unnar landbúnaðarvörur og í bókun 9 er kveðið á um tollfríðindi fyrir sjávarafurðir. Ákvæði um upprunareglur er að finna í bókun 4 við samninginn.

• Íslenskur texti meginmáls samningsins ásamt bókunum og viðaukum.
• Enskur texti samningsins, þ.m.t. með uppfærðum viðaukum og bókunum

2. Tvíhliða samningar Íslands og ESB um tollfríðindi fyrir sjávarafurðir og landbúnaðarvörur

a) Bókun 6 við fríverslunarsamning Íslands og ESB (þá EBE) frá 1972:

Í bókun 6 við fríverslunarsamning Íslands og ESB (þá EBE) frá 1972 er kveðið á um tollfríðindi við innflutning íslenskra sjávarafurða inn á markaði ESB. Ákvæði bókunar 6 eru enn í fullu gildi í þeim tilvikum er kveðið er á um betri markaðsaðgang fyrir tilteknar sjávarafurðir í bókuninni en felst í bókun 9 við EES-samninginn.

• Texti bókunarinnar

b) Samningur með óunnar landbúnaðarafurðir:

Auk bókunar 3 við EES-samninginn, þar sem kveðið er á um tollfríðindi fyrir unnar landbúnaðarvörur, er í gildi tvíhliða samningur milli Íslands og ESB frá árinu 2018 um tollfríðindi fyrir óunnar landbúnaðarafurðir. Samningurinn sem tók gildi árið 2018 leysti af hólmi samning frá 2007 um sama efni.

• Nánari upplýsingar um samninginn um tollfríðindi fyrir óunnar landbúnaðarvörur
• Texti samningsins frá 2007 um óunnar landbúnaðarvörur

3. EFTA-sáttmálinn

Samningur milli EFTA-ríkjanna (Íslands, Liechtenstein, Noregs og Sviss). Samningurinn var upphaflega undirritaður árið 1960. Ísland gerðist aðili að EFTA árið 1970. Endurskoðaður EFTA-sáttmáli tók gildi 1. júní 2002.

• Íslenskur texti EFTA-sáttmálans, ásamt viðaukum og bókunum
• Enskur texti EFTA-sáttmálans, ásamt viðaukum og bókunum

4. Fríverslunarsamningur EES-EFTA ríkjanna og Bretlands

Lokið var við gerð nýs fríverslunarsamnings við Bretland í sumarbyrjun 2021 og samningurinn var svo undirritaður 8. júlí 2021. Er þar á ferðinni framsækinn og yfirgripsmikill fríverslunarsamningur sem nær til flestra sviða viðskipta á milli ríkjanna og þeirra reglna sem um þau gilda.

Samningurinn var samþykktur á Alþingi í mars 2022 og var beitt til bráðabirgða frá 1. september 2022 til 1. febrúar 2023 þegar hann tók endanlega gildi.   

Samninginn í heild má finna á vef Alþingis á íslensku og ensku sem og þingsályktun um fullgildingu hans. 

Jafnframt má finna samninginn á vef Fríverslunarsamtaka Evrópu (EFTA) 

• Helstu þættir samningsins.

5. Fríverslunarsamningur Íslands og Kína

Fríverslunarsamningur Íslands og Kína tók gildi 1. júlí 2014.

• Ítarlegar upplýsingar um samninginn og texta hans

6. Fríverslunarsamningur Íslands og Færeyja (Hoyvíkur-samningurinn)

Hoyvíkursamningurinn tók gildi 1. nóvember 2006.  Með honum var komið á sameiginlegu efnahagssvæði á yfirráðasvæðum Íslands og Færeyja. Í samningnum er kveðið á um niðurfellingu tolla af öllum vörum, að uppfylltum skilyrðum upprunareglna samningsins.

• Íslenskur texti samningsins

7. Samningur um viðskipti milli Íslands og Grænlands

Í samningi við Danmörku um viðskipti milli Íslands og Grænlands er kveðið á um tiltekin tollfríðindi í viðskiptum milli landanna.

• Texti samningsins

8. Fríverslunarsamningar EFTA

EFTA-ríkin hafa gert 29 fríverslunarsamninga sem ná til alls 40 landa. Í eftirfarandi töflu má finna yfirlit yfir þessa samninga og hlekki á annars vegar íslenska þýðingu á meginefni viðkomandi samnings og hins vegar enskan texta viðkomandi samnings ásamt viðaukum.