Ársskýrsla kærunefndar jafnréttismála 2023 komin út
Ársskýrsla kærunefndar jafnréttismála 2023 er komin út og hefur verið birt á vefnum.
Kristín Benediktsdóttir, formaður kærunefndar jafnréttismála, afhenti Guðmundi Inga Guðbrandssyni, félags- og vinnumarkaðsráðherra, skýrsluna fyrir helgi og kynnti hana fyrir honum. Skýrslunni er skilað til ráðherra í samræmi við lög nr. 151/2020 um stjórnsýslu jafnréttismála og í henni er farið yfir starfsemi nefndarinnar, málafjölda og niðurstöður, málsmeðferðartíma og aðrar tölfræðiupplýsingar vegna ársins 2023.