Starfshópur um stefnumótandi áætlun ríkisins um málefni sveitarfélaga

Starfshópur er skipaður af ráðherra, sbr. ákvæði reglugerðar um gerð stefnumótandi áætlunar ríkisins um málefni sveitarfélaga nr. 1245/2018. Starfshópurinn gerir tillögur til ráðherra að stefnumótandi áætlun til fimmtán ára í senn og aðgerðaáætlun til fimm ára. Við gerð tillagna að stefnumótandi áætlun og aðgerðaáætlun skal starfshópurinn eiga samráð við ráðuneyti og stofnanir ríkisins, þ.m.t. stýrihóp Stjórnarráðsins um byggðamál. Þá skulu tillögurnar unnar í samráði við Samband íslenskra sveitarfélaga og sveitarfélög. Loks skal haft samráð við hagsmunaaðila eftir þörfum og skal almenningi gefinn kostur á að koma að sjónarmiðum sínum og athugasemdum í opnu samráðsferli.

Skipunartími starfshópsins takmarkast við embættistíma ráðherra.

Starfshópurinn er þannig skipaður:
Stefán Vagn Stefánsson, alþingismaður og formaður hópsins,
Rósa Guðbjartsdóttir, bæjarstjóri í Hafnarfirði,
Heiða Björg Hilmisdóttir, formaður Sambands íslenskra sveitarfélaga og borgarfulltrúi,
Jón Björn Hákonarson, varaformaður Sambands íslenskra sveitarfélaga og bæjarstjóri í Fjarðabyggð.

Með hópnum starfar Anna Gunnhildur Ólafsdóttir, sérfræðingur á skrifstofu sveitarfélaga og byggðamála. Áheyrnafulltrúar eru Aðalsteinn Þorsteinsson, skrifstofustjóri á skrifstofu sveitarfélaga og byggðamála, og framkvæmdastjóri Sambands íslenskra sveitarfélaga.