Lýsing á aðgerð

A.2 Heima-endurhæfingarteymi

Til að styðja við þróunarverkefni um samþættingu félagsþjónustu og heilbrigðisþjónustu undir sameiginlegri mannafla- og fjármálastjórn verði stöðugildi fjármagnað til að koma á fót heima-endurhæfingarteymi á hverju svæði sem þátt tekur í verkefninu.

Mælikvarðar:

• Heilbrigðisstofnun hvers svæðis fái stöðugildi til að koma heima-endurhæfingateymi af stað.
• Unnið verði með hverju svæði að því að koma upp móma teymi þar sem allar beiðnir um þjónustu við fólk í heimahúsi fara fyrir og heima-endurhæfingarteymi verði hluti af því teymi.
• Að fræða öll þróunarsvæði um hugmyndafræði heima-endurhæfingarteyma.
• Hvert þróunarsvæði hafi heima-endurhæfingateymi sem hluta af samþættri heimaþjónustu  og þar með tækifæri til að fullreyna aðkomu heima-­endurhæfingarteymis í allt að þrjá mánuði áður en til hefðbundinnar heimaþjónustu kemur.

Ábyrgð: Heilbrigðisráðuneytið.

Tímabil: 2024–2027.

Staða verkefnis

Í byrjun árs 2024 fengu allar heilbrigðisstofnanir fjármögnun til að hefja undirbúning heimaendurhæfingarteymis. Verkferlar fyrir móma-teymi hafa verið þróaðir í samstarfi við hvert svæði, með sérstakri áherslu á hlutverk teymisstjóra heimaendurhæfingarteymis sem hluta af móma-teymi, með það að markmiði að innleiða nýjar áherslur í heimaþjónustu.

Öllum svæðum hefur verið veitt fræðsla frá sérfræðingum í heimaendurhæfingu hjá Reykjavíkurborg, sem felur í sér kynningu á hugmyndafræði, verkefnum, skráningu og fleiru sem tengist starfinu. Einnig hafa mörg svæði heimsótt Norðurmiðstöð Reykjavíkurborgar til að fá innsýn í starfshætti heimaendurhæfingarteymis þar.

Komið vel á veg