Persónuréttur fjallar um ýmis persónuleg réttindi og skyldur sem eru nátengd andlegu og líkamlegu lífi manna, svo sem rétt til líkama, lífs, frelsis, æru og svo framvegis. Mörg þeirra eru lögvernduð, svo sem með refsiákvæðum og reglum skaðabótaréttar.

Meginreglur persónuréttar er að finna í lögræðislögum. Dómsmálaráðuneytið fer með flesta málaflokka sem tengjast persónurétti en hann getur þó haft þýðingu innan fleiri málaflokka. Sem dæmi um önnur verkefni persónuréttarlegs eðlis má nefna rétt til eiginnafns, erfðarétt og persónuvernd.

Verkefni á sviði persónuréttar heyra meðal annars undir eftirfarandi málefnasvið í gildandi fjármálaáætlun: Réttindi einstaklinga, trúmál og stjórnsýsla innanríkismála.