C.02. Brothætt byggðarlög
| Aðgerðin er í vinnslu | |
Tengiliðir Kristján Þ. Halldórsson, sérfræðingur hjá Byggðastofnun
[email protected]
Fréttir
27.01.22 Á árunum 2018-2020 hafa samtals tíu byggðarlög tekið þátt í Brothættum byggðum. Á árinu 2021 eru þau sex, þ.a. mun eitt ljúka vegferð sinni í lok ársins en tvö verkefni voru framlengd um eitt ár, til loka árs 2022. Veitt hefur verið sérstök aukafjárveiting vegna Bakkafjarðar, alls 33 m.kr. á árunum 2019-2021 og 14 m.kr. vegna annars vega Árneshrepps og hins vegar Grímseyjar á árinu 2021. Þá voru 100 m.kr. lagðar til verkefnisins aukalega í gegnum fjárfestingarátak ríkisstjórnarinnar 2020. Ákveðið hefur verið að ganga til samstarfs við tvö ný byggðarlög í lok árs 2021.
Ársskýrsla Brothættra byggða fyrir árið 2020
Ársskýrsla Brothættra byggða fyrir árið 2019
18.12.20 Á árunum 2018-2020 hafa samtals tíu byggðarlög tekið þátt í Brothættum byggðum. Á árinu 2020 eru þau sjö, þ.a. munu tvö ljúka vegferð sinni í lok ársins. Veitt hefur verið sérstök aukafjárveiting vegna Bakkafjarðar, alls 21 m.kr. á árunum 2019-2020. Þá voru 100 m.kr lagðar til verkefnisins í gegnum fjárfestingarátak ríkisstjórnarinnar 2020. Vitað er af áhuga nokkurra byggðalaga á þátttöku í verkefni Brothættra byggða.
21.4.20 Fjárfestingarátak í Brothættum byggðum
29.11.19 Níu byggðarlög hafa verið þátttakendur í verkefninu á tímabilinu 2018-2019. Tvö byggðarlög voru útskrifuð í upphafi árs 2019 og eitt var tekið inn. Alls eru nú sjö byggðalög þátttakendur. Veitt var sérstök aukafjárveiting, 9 m.kr., vegna Bakkafjarðar 2019.Brothættar byggðir: Framkvæmd verkefnisins árið 2018
Fréttir af verkefninu á vef Byggðastofnunar
Umfjöllun um verkefnið á vef Byggðastofnunar
Verkefnið
Verkefnismarkmið: Að sporna við viðvarandi fólksfækkun í smærri byggðakjörnum.
Haldið verði áfram með verkefnið „Brothættar byggðir“ þar sem leitað er lausna á bráðum vanda á tilteknum svæðum vegna fólksfækkunar og erfiðleika í atvinnulífi undangengin ár. Árangur af verkefninu verði mældur með íbúaþróun í viðkomandi byggðum og öðrum mælikvörðum sem Byggðastofnun skilgreinir.
- Ábyrgð: Innviðaráðuneyti.
- Framkvæmdaraðili: Byggðastofnun.
- Dæmi um samstarfsaðila: Íbúar viðkomandi byggðarlaga, sveitarfélög, landshlutasamtök sveitarfélaga, ráðuneyti og stofnanir.
- Tímabil: 2018–2024.
- Tillaga að fjármögnun: 700 millj. kr. úr byggðaáætlun.