Ytra mat

Ytra mat á leik-, grunn- og framhaldsskólum fluttist frá þáverandi Menntamálastofnun til mennta- og barnamálaráðuneytisins 1. apríl 2024 þegar Miðstöð menntunar og skólaþjónustu hóf störf. 

Markmið

Markmið mats og eftirlits með gæðum starfs í skólum er samkvæmt 17. grein laga um leikskóla nr. 90/2008, 35. grein laga um grunnskóla nr. 91/2008 og 40. grein laga um framhaldsskóla nr. 92/2008 fyrst og fremst að veita upplýsingar um skólastarf, árangur þess og þróun til fræðsluyfirvalda, starfsfólks skóla, viðtökuskóla, foreldra og nemenda. Einnig að tryggja að starfsemi skóla sé í samræmi við ákvæði laga, reglugerða og aðalnámskrár leik, grunn- og framhaldsskóla. Ytra mat á að auka gæði náms og skólastarfs og stuðla að umbótum og tryggja að réttindi barna/nemenda séu virt og að þau fái þá þjónustu sem þau eiga rétt á samkvæmt lögum.

Með ytra mati er unnið að ofangreindum markmiðum og lögð sérstök áhersla á að efla og styðja innra mat og gæðastjórnun skóla. Einnig er lögð áhersla á að styðja almennt við skóla sem og stjórnendur og kennara við umbætur á eigin starfi. Kennarar eru hvattir til samvinnu við að bæta eigin starfshætti og vera skólum hvati til frekari skólaþróunar.

Ytra mat felur í sér hvoru tveggja eftirlit með og stuðning við skólastarf. Meginstef ytra mats er að það sé leiðbeinandi, framfara- og umbótamiðað og stuðli að betra skólastarfi. Leiðarljósið er ávallt nemandinn, réttur hans og þarfir.

Framkvæmd

Í ytra mati er lagt mat á starfsemi viðkomandi skóla með hliðsjón af gildandi viðmiðum sem meðal annars byggja á lögum, reglugerðum og aðalnámskrám. Er það gert með skoðun á fyrirliggjandi gögnum um starfsemi skólans, vettvangsheimsóknum matsaðila og viðtölum við börn/nemendur, starfsfólk skóla og foreldra. Niðurstöður ytra mats eru sendar viðkomandi skóla og sveitarstjórn ef við á.

• Siða- og starfsreglur fyrir matsaðila
• Kynning á framkvæmd ytra mats í grunnskóla

Leiðbeiningar

• Innra mat leikskóla
• Innra mat grunnskóla
  - Gæðaviðmið í grunnskóla
  - Gæðaviðmið - endurskoðun haust 2022 
• Innra mat framhaldsskóla
  - Matsviðmið framhaldsskóla
• Eyðublað fyrir vettvangsathugun í kennslustund

Eftirfylgni

Niðurstöður ytra mats eru sendar viðkomandi skóla og sveitarstjórn ef við á. Eftirfylgni ytra mats er í höndum mennta- og barnamálaráðuneytisins. Ef ytra mat bendir til að þörf sé á umbótum skal sveitarstjórn (í tilfelli leik- og grunnskóla) og skóli senda ráðuneytinu umbótaáætlun þar sem fram kemur hvernig brugðist verður við niðurstöðum matsins og jafnframt hvernig fylgja á umbótunum eftir.

• Rammi að umbótaráætlun leikskóla
• Rammi að umbótaáætlun grunnskóla

Dæmi:

• Dæmi um umbótaáætlun leikskóla
• Dæmi um umbótaáætlun grunnskóla
• Dæmi um umbótaáætlun framhaldsskóla

Skýrslur

• Ytra mat á leikskólum
• Ytra mat á grunnskólum (í vinnslu)
• Ytra mat á framhaldsskólum